യാചകരെ കണ്ടില്ല ഞാനെന്റെ
കീശ കാലിയാകുന്നതിനെ പേടിച്ച്
രാഷ്ട്രീയത്തെ എതിർത്തില്ല ഞാൻ
പാർട്ടിയെ പേടിച്ച്
പാർട്ടിയെ എതിർത്തില്ല ഞാൻ
നേതാവിനെ പേടിച്ച്
നേതാവിനെ എതിർത്തില്ല ഞാൻ
അണികളെ പേടിച്ച്
മതാന്ധത കണ്ടില്ല ഞാൻ മതങ്ങളെ പേടിച്ച്
ആത്മീയ കച്ചവടം കണ്ടില്ല ഞാൻ
ആൾ ദൈവത്തെ പേടിച്ച്
ആൾ ദൈവത്തെ കണ്ടില്ല ഞാൻ
വിശ്വാസികളെ പേടിച്ച്
ഒളിച്ചോടുകയായിരുന്നു ഞാൻ
ജീവിതത്തിൽ നിന്നും
യാഥാർഥ്യത്തെ പേടിച്ച്
ഒളിച്ചോടുവാനായില്ലെനിക്ക്
മരണമെന്ന യാഥാർഥ്യത്തിൽ നിന്നും.

രണ്ടറ്റം മുട്ടിയാൽ കഥ
ഒരറ്റം മുട്ടിയാൽ കവിത
രണ്ടറ്റവും മുട്ടാത്തതെന്റെ
ജീവിതം മാത്രം.

ആ സൌഹൃദത്തില്
എനിക്ക് നഷ്ടമായത്
എന്റെ വാക്കുകളായിരുന്നു
ആ നിശബ്ദതയിൽ
എനിക്ക് നഷ്ടമായത്
നിന്റെ പ്രണയവും

കറുത്തവർ
അടിച്ചമർത്തപ്പെട്ടവർ
മാനത്ത് സംഘടിച്ചു
മേഘങ്ങളായി

മുദ്രാവാക്യങ്ങൾ
ഇടിമുഴക്കങ്ങളായി
തീപ്പന്തങ്ങൾ
മിന്നൽപ്പിണറുകളായി

ഒടുവിൽ
അടിമച്ചങ്ങല പൊട്ടിച്ചെറിഞ്ഞു
സ്വാതന്ത്ര്യത്തിലേക്കവർ
മഴയായ് പെയ്തിറങ്ങി.

സമസ്ത കേരളം സരിതമയം
വലതിനോരല്പം വിഘ്നഭയം
ഇടതിന് അമൃതം സമരമയം
അങ്കിള്‍മാരുടെ സ്ഥാനഭയം
മന്ത്രിപുത്രന് പ്രാണഭയം
സാക്ഷിപറഞ്ഞാല്‍ മരണഭയം
തെളിവില്ലാത്തത് ആണഭയം
കയ്യൂക്കുണ്ടേലെന്ത് ഭയം?

എന്നും വീടിന്റെ
മുറ്റമടിക്കുന്നവള്,
പൊതുവഴി വൃത്തിയാക്കുന്ന
സാമൂഹ്യ പ്രവര്ത്തക,
സര്ക്കാരിന്റെ ശുചിത്വ ബോര്ഡുകളില്
സംവരണമുള്ളവള്,
എന്നിട്ടും
ആള്കൂട്ടത്തിനിടയില് എന്നും
കല്ലെറിയപ്പടുന്നവള്

ഒളിഞ്ഞിരുന്നതെല്ലാം
തെളിഞ്ഞു വന്നപ്പോൾ
പുളിച്ചു നാറുന്നതീ
വളിച്ച രാഷ്ട്രീയം